Gjimnazi "Shote Galica" në Fushë-Krujë

Gjimnazi "Shote Galica" në Fushë-Krujë është institucion publik i arsimit të mesëm që ndodhet në qytetin e Fushë-Krujës, në Shqipëri.

Historiku

Në shtator të vitit 1962 u hap për herë të parë shkolla e mesme e përgjithshme në qytetin e Fushë Krujës. Klasa e parë filloi mësimin në godinën e vjetër të qytetit së bashku me shkollën 7 – vjeçare, në një lokal të veçantë, e që mbante emrin e heroit kombëtar “Qemal Stafa”.

Me rritjen e numrit të nxënësve, në vitin shkollor 1969 – 70 shkolla e mesme ndahet nga shkolla 8 – vjeçare (Riorganizimi nga sistemi 7 – vjeçar në atë 8 – vjeçar filloi me klasën e pestë në vitin shkollor 1963. Një vit më pas, shkolla e mesme bashkohet përsëri me shkollën 8 – vjeçare për shkak të numrit të vogël të nxënësve që vazhdonin shkollën e mesme në atë vit (Numri i nxënësve në atë vit ishte më pak se 250).

Qe nga viti 1971 shkolla u nda nga shkolla fillore e më pas vazhdoi mësimin si shkollë e ndarë, si shkollë e mesme e përgjithshme me emrin e heroinës kosovare “Shote Galica”, emër të cilin e mban edhe sot. Si shkollë e re kishte mangësi të shumta në bazën materiale por gjithashtu edhe për nga përvoja pedagogjike e stafit.

Drejtori i parë i shkollës ishte Stefan Bulo, një mësues letërsie, ku gjatë dy viteve të drejtimit të shkollës prej tij ndihmoi shumë në përparimin e performancës së shkollës si të stafit profesional pedagogjik ashtu edhe të organizimit të mësimdhënies.

Nga gjimnazi “Shote Galica” , gjatë këtyre viteve, kanë kaluar shumë nxënës ku shumë prej tyre kanë ndjekur arsimin profesional dhe universitar, dhe më vonë kanë punuar në detyra dhe profesione të ndryshme anë e kënd vendit.

Shih edhe

• Arsimi në Shqipëri
• Historia e arsimit shqiptar

Lidhje të jashtme

• Faqe zyrtare